Payment methods
  • shopping cart

مراجعه الحلقه الثانية من مسلسل البقاء The Last Of Us

مراجعه الحلقه الثانية من مسلسل البقاء The Last Of Us

مراجعه الحلقه الثانية من مسلسل البقاء The Last Of Us

وتستمر عظمه HBO مع الحلقة الثانية من مسلسل The Last of Us اللي كملت بنفس مستوي الحلقة الأولى ويمكن أحسن كمان وممكن نقول بأختصار أنها بدأت علي الهادي في النصف الأول ولكن النصف التاني من الحلقه كان كله دمااار و توتر بدون توقف!!!

- بدايه الحلقه أعتمدت علي مشهد Flashback زي حلقه الأسبوع اللي فات وبالرغم من إنه مش موجود في اللعبه برضو الا انه كان بنفس قوته ومهم جداً لسياق المسلسل وبيبن مدي خطوه العدوي ونشأتها وأنتشارها ودا غالباً بسبب تأثير المخرج “Craig Mazin” واعتماده علي نفس اسلوب مسلسله الناجح “Chernobyl”.

 - كميه التفاصيل اللي ظهرت في الحلقه زي المباني سواء شكلها من برا او من جوا وشكل الشوارع نفسه وسط عالم شبه منتهي او زي ماهو معروف بـ “Apocalypse” فا تحس كأنها من اللعبه بالظبط ويمكن دا بسبب إنها من إخراج "Niel Drukmann" واللي ميعرفش فا هو كاتب اللعبه نفسها ودا بيوضح أد أيه طاقم عمل المسلسل لحد دلوقتي ملتزم جداً بمحتوي اللعبه لحد أدق التفاصيل.

- بدون حرق أحداث خالص لكن مشاهد كتير في الحلقه هتوضح بدايه تطور لعلاقه بين Joel و Ellie خصوصًا أنها دايماً بتفكره ببنته الراحله Sarah ولما هتتفرج علي الحلقه المشاهد دي هتأكدلك صحه كلامي لو ركزت فيها.

- وفي نفس الوقت المشاهد بين Ellie و Tess بتبين مشاعر الأمومة والخوف من ناحيه Tess علي Ellie بالرغم من أنها بتحاول طول الحلقه تظهر عكس الكلام دا وبتثبت بكلامها ان Ellie مجرد Cargo او مهمه مكلفين بيها وخلاص.

- دا غير طبعاً أهم حاجه في الحلقه وهي أننا شوفنا الكليكرز لأول مره علي شاشه التلفزيون وشكلهم واقعي جداً و مرعبين أكتر من اللعبه بصراحه والمشهد اللي ظهروا فيه كان عامل حاله وجو من التوتر والخوف لينا كمُشاهدين وانا أولهم .

- محتاجين نتكلم عن المشهد الأخير في الحلقه لكن للأسف عشان المراجعه بدون حرق فا نقدر نقول أنه مشهد مؤثر جداً واداء Anna Torv ممثله شخصيه Tess كان عظيم جداً ويستحق الإشاده ومن المفترض انها تترشح لجوايز بسببه.

- وعاوزين نتكلم برضو علي نقطه جانبيه لكنها مهمه جداً وهي أستمرار Pedro و Bella ممثلين شخصيات Joel و Ellie في تحطيم سقف توقعاتنا باداء تمثيلي فوق الممتاز وخصوصاً Bella Ramsey بعد كل الانتقادات الموجهه ليها بسبب عدم وجود تشابه ولكن طريقه كلامها وطبقه صوتها فعلاً هي Ellie بالظبط.

نصيحه لمحبين مسلسلات البقاء والزومبي زي The Walking Dead مثلاً, جو المسلسل فعلاً متقارب جداً ليه و يمكن في جوانب احسن كمان ودا ميقللش من TWD خالص ولكن المقصود ان لازم تتفرجوا عليه ومتفوتهوش.

 

منتجات اكثر مبيعا