Ghost of Yotei… الاستكشاف رجع يبقى فن من تاني

من غير خرايط مليانة علامات استفهام، ومن غير قوائم إرشادية تخليك تمشي ورا سهم... لعبة Ghost of Yotei بتوعدنا بعالم مفتوح مختلف عن أي حاجة تعودنا عليها قبل كده!
المطورين قرروا يمشوا على خطى ألعاب جبارة زي Elden Ring وRed Dead Redemption 2، وسابوا وراهم الطريقة "اليوبي سوفتية" اللي بقت خلاص محفوظة ومملة.

فين الاختلاف؟

في Ghost of Yotei، مفيش أي علامة على الخريطة هتقولك تروح فين أو تعمل إيه، غير لو الشخصية الأساسية “آتسو” اكتشفت دليل بنفسها، أو بصيت على المكان من بعيد بمنظارها.
يعني مفيش "أوامر" تمشي وراها… كل حاجة بتعتمد على فضولك، تركيزك، وكلام الناس اللي هتقابلهم في رحلتك.

اسمع من السكان

بدل ما تمشي ورا سهم أو مهمة متعلم عليها، هتلاقي نفسك بتسمع جملة من شخص غريب بتفتحلك باب لاكتشاف جديد… ممكن يكون مكان مخفي، مهمة جانبية أو حتى خطر بيستناك.

علامات الاستفهام؟ راحت فين؟

اتشالت من على الخريطة تماما. وكل استكشاف لازم يكون ناتج عن فعل منك، مش مجرد نظام بيعلمك فين تروح. ده بيخلي كل خطوة في اللعبة ليها طعم، وكل مغامرة بتحسسك إنك فعلا في عالم حي وواقعي.

طب والأحداث العشوائية؟

رغم إن اللعبة واخدة من RDR2 أسلوب الاستكشاف، المطورين لسه ما أكدوش إذا كان فيه "أحداث ديناميكية" بتحصل بشكل عشوائي في العالم، لكن نقدر نتوقع إن فيه مفاجآت كتير مستنيانا.

موعد الإطلاق؟