Call of Duty: Black Ops 7 – عودة السلسلة بقوة

أول وأكبر إعلان في الحدث كان العرض الكامل للعبة Call of Duty: Black Ops 7. أكتيفيجن عرضت تريلر جيم بلاي مثير وأكدت إن اللعبة هتنزل يوم 14 نوفمبر 2025. كمان أعلنوا إن في بيتا مفتوحة قادمة قريب هتدي اللاعبين فرصة يجربوا أطوار الأونلاين قبل الإصدار. الجديد في الجزء ده إنه هيقدم طور Co-Op Campaign ختامي ملحمي بيجمع أكتر من بطل من السلسلة، وده خلى الكل متحمس إن اللعبة ترجع تاني تنافس بقوة.

Resident Evil: Requiem – رعب جديد من كابكوم

شركة كابكوم استعرضت جيم بلاي للجزء الجديد باسم Resident Evil: Requiem. اللعبة متوقع تصدر في 27 فبراير 2026، والعرض اللي اتشاف كان مظلم ومليان توتر كالعادة. واضح إن الاستوديو رايح أكتر ناحية الرعب النفسي الممزوج بالـ Survival التقليدي، مع بيئات جديدة وأعداء مرعبين.

Ghost of Yōtei – إصدار قريب وDLC مجاني

من أكتر الإعلانات اللي خطفت الأنظار كان لعبة Ghost of Yōtei. اللعبة هتنزل يوم 2 أكتوبر 2025 على PlayStation 5. المطورين كمان أعلنوا عن DLC مجاني بعنوان Ghost of Yōtei: Legends هيكون متاح في 2026. الإضافة هتقدم طور تعاوني (Co-Op) فيه مهمات قصة لشخصين، وكمان معارك بقاء لأربعة لاعبين ضد وحوش ضخمة. الإعلان ده خلّى اللعبة تتحول من مجرد عنوان جديد لمنافس قوي ضمن قائمة ألعاب الأكشن في 2025.

Black Myth: Zhong Kui – مفاجأة Game Science

استوديو Game Science أعلن بشكل رسمي عن الجزء الجديد من السلسلة بعنوان Black Myth: Zhong Kui. التريلر اللي اتعرض قدم لمحة عن شخصية Zhong Kui، إله الأشباح في الفلكلور الصيني، واللي هيكون بطل اللعبة. لسه مفيش ميعاد إصدار محدد، لكن الإعلان أكد إن المشروع في مراحله الأولى وإنه هيكون لعبة ARPG سينجل بلاير زي الجزء الأول Black Myth: Wukong. الإعلان ده اعتبر مفاجأة كبيرة خصوصًا بعد النجاح اللي حققه الجزء الأول.

Ninja Gaiden 4 – عودة النينجا الأسطوري

واحدة من أبرز مفاجآت المعرض كانت الكشف الرسمي عن Ninja Gaiden 4 هتنزل يوم 21 أكتوبر 2025. استوديو Team Ninja أكد رجوع سلسلة الـ Hack and Slash الأسطورية بعد سنين طويلة من الغياب. ولسه مفيش ميعاد إصدار محدد، لكن التريلر التشويقي وعد بجيم بلاي سريع الإيقاع، قتال دموي عنيف، وعودة البطل المحبوب Ryu Hayabusa.
الجمهور اللي كان مستني السلسلة من زمان استقبل الإعلان بحماس ضخم جدًا، وده بيأكد إن اللعبة دي هتكون واحدة من أكتر الإصدارات المنتظرة.

The Outer Worlds 2 – عودة من Obsidian

لعبة The Outer Worlds 2 من Obsidian Entertainment رجعت للواجهة، وتم التأكيد إن الإصدار هيكون في 29 اكتوبر القادم. اللعبة بتحافظ على طابعها الساخر والكوميديا السوداء، مع عالم أوسع وتجارب لعب أعمق.

World of Warcraft: Midnight – توسعة جديدة

شركة Blizzard أعلنت عن توسعة World of Warcraft: Midnight، واللي هتنزل في 29 أكتوبر 2025. الجديد المرة دي إن اللعبة أخيرًا هتقدم ميزة Housing، اللي هتخلي اللاعبين يقدروا يبنوا بيوت خاصة ويخصصوها لأول مرة في تاريخ WoW.

LEGO Batman – عودة الأبطال بالكوميديا

في مفاجأة لعشاق سلسلة LEGO، تم الإعلان عن لعبة جديدة بعنوان LEGO Batman. لسه ميعاد الإصدار مش محدد، لكن العرض التشويقي وضح إنها هتكون مليانة كوميديا وحركات ظريفة زي ما متعودين من ألعاب LEGO.

Silent Hill F – الرعب النفسي بيرجع من جديد

بعد سنين طويلة من الانتظار، كونامي أعلنت عن تفاصيل جديدة للعبة Silent Hill F وتصدر يوم 25 سبتمبر 2025 على PS5 وXbox Series X|S وPC . اللعبة بتقدم قصة يابانية بطلها شخصية اسمها Hinako Shimizu، وبتدور وسط أجواء ضبابية مرعبة وغامضة.

اللي يميزها: العودة للـ Silent Hill الأصيلة لكن بلمسة يابانية حديثة، مع دمج الرعب النفسي بالدراما الإنسانية.

Lords of the Fallen II – عودة أكثر قوة

اللعبة التانية اللي ظهرت كانت Lords of the Fallen II. الجزء الجديد بيكمل سلسلة الـ Soulslike بأسلوب قتالي عنيف وعالم مظلم أعمق.

اللي يميزها: تحسينات ضخمة على أسلوب اللعب مقارنة بالجزء الأول، مع محتوى أوسع وتجربة أكثر توازنًا لعشاق النوع ده من الألعاب.

الخلاصة

Gamescom 2025، Call of Duty Black Ops 7، Resident Evil Requiem، Ghost of Yōtei، Black Myth Zhong Kui، Silent Hill F، Lords of the Fallen II، World of Warcraft Midnight، Fallout Prime Video، LEGO Batman، أخبار الألعاب، مواعيد إصدار الألعاب 2025، ملخص Gamescom